Happy Mother's Day

Para kay Mamay, Mama, Nana, Mamang, Mommy, Mamita, Nanay, Mother, Mudra, Nay, Ma at kahit ano pa ang tawag sa kanya.. Thank God for mothers.. ♥♥♥

Kung Hei Fat Choi 2011

Happy New Year sa mga kababayan nating mga Tsinoy,
Aapaw ngayon sa Binondo ang hopia at tikoy,
Masaya ang kapistahan, makulay at tuloy tuloy,
Sa pagdiriwang ng bagong taon ng Tsinoy.

Nandyan ang paputok, lion dance at dragon dance,
Sa pagpalo ng tambol at cymbals ikaw ay mapapaindak,
Sa kanilang saliw paa mo'y mapapapadyak,
Tunay na ikaw ay hahanga at mapapa palakpak.

Punong puno rin ang mga tindahan ng feng shui,
Sa sobrang dami ng tao'y trapik ayaw ng dumaloy,
Binibili mga pansabit, bracelet, kwintas, pigurin,
Iba't ibang damit, alahas, pagkain at kakanin.

Pero lagi nating tatandaan,
Hawak ng tao ang kanyang suwerte at kamalasan,
Hindi sa mga bagay na suot mo o nakalagay sa bahay mo,
Kundi sa iyong pagtitiyaga, kasipagan, at talino. ☺►

Paskong Pinoy

Paskong Pinoy

"Parol na marikit,
kutitap ng ilaw na maliit,
koro ng mga batang paslit,
indayog sa himig na may pananabik.

Simoy ng hanging malamig,
handang masarap at mainit,
giliw sa damdamin,
sa pisngi'y namumutawi rin.

Pasko'y narito na!
Buong pamilya'y magsaya!
Halina't ipagdiwang inyong Noche Buena,
kasama ang Pan de Manila!"


Masaya talaga ang Pasko sa Pilipinas.. lalo na ang kainan na malimit maihanda tuwing pasko.. At eto ang aking listahan ng mga popular na inihahanda tuwing pasko.

1. Spaghetti (eto ang pinakasikat)
2. Pansit (bihon, canton, malabon, lulog, atbp)
3. Macaroni Salad
4. Fried Chicken
5. Lechon (baboy o manok)
6. Barbecue (baboy o manok)
7. Kare kare
8. Caldereta
9. Hamon
10. Tinapay na may palamang keso (keso de bola pag nakakaluwag, o kaya peanut butter, o kaya margarine, o kaya dairy cream, o walang palaman - pantapat sa pansit).

Sa panghimagas
1. Buko salad
2. Fruit salad
3. Ice cream
4. Buko pandan
5. Cake
6. O kaya kakanin..


Sa imumin o panulak
1. Softdrinks
2. Iced Tea
3. Fruit Juice
4. Sago't gulaman
5. O kaya malamig na tubig sa mga nagtitipid.


---------
"Paskong Pinoy" - guhit ni Joel Chua
Tula mula sa Pan de Manila